24 Sep Coidando o coidador
Da man da FEGAS e a Escola Galega de Saúde para Cidadáns, e financiado pola Xunta de Galicia, este mes de Outubro terá lugar nas instalacións do CRD Vontade o curso “Coidando o coidador” dirixido a pacientes, familiares de pacientes, coidadores e cidadanía en xeral.
O obxectivo desta actividade é de labor preventiva. Tentando evitar que aparezan enfermidades físicas e psicolóxicas dos familiares encargados do coidado dun enfermo, o seu illamento social, reaccións catastróficas ou conflitos familiares, incluíndo o consumo inadecuado de medicación do propio coidador.
O programa fará fincapé en catro puntos importantes. Proceso de envellecemento poblacional , as habilidades de comunicación e resolución de problemas, coidados do enfermo maior (dependente e independente) e o proceso de dolo (a despedida), entre outros.
O curso levarase a cabo o Xoves 8 de Outubro, cun horario de 16:30 a 20:30 horas. O curso é totalmente gratuíto, e as prazas son limitadas. Podes inscribirte das seguintes maneiras:
(Curso finalizado)
