Termas Salvaterra

Termas Salvaterra

Termas Salvaterra

Na entrada de este mes, presentámosvos unha opción de ocio diferente: Aparcamos as rutas por un momento para  presentarvos o espazo termal de Salvaterra do Miño, un espazo considerado como as  termas ao aire libre mais grandes de Galicia. 

Sitúanse xusto no mesmo punto onde vos presentamos o inicio da ruta “Salvaterra: Termas de Oleiros- Parque de A canuda”, polo que podes combinar paseo e termas se queres. 

A accesibilidade ata a terma é boa, sen embargo carecen de un servizo ao baño completamente accesible. Nos , levamos visitado sen embargo as termas varias veces con persoas que empregan cadeira de rodas ou con dificultades na marcha, pero precisouse sempre axuda de terceiras persoas para acceder a auga. 

Situadas en Teáns, na Parroquia de Oleiros, a túa chegada a elas atoparás unha zona de aparcamento. Existe unha praza reservada a persoas con mobilidade reducida, xusto diante da entrada as Termas e ao paseo. Ademais, hai una zona ampla de aparcamento con pavimento de terra prensada. 

 O acceso as termas é bo,  a través dun camiño primeiro de formigón e despois de pequenas pedriñas completamente practicables, sen chanzos para acceder aos vestiarios. 

chegada as termas

Existe un vestiario-aseo reservado para persoas con mobilidade reducida, con espazo para unha persoa. Conta con baño con barras, e ducha con cadeira. (foto A) 

Ademais, hai unha pequena sala de curas con padiola que nos ofreceron empregar se era preciso. 

Existen dous vestiarios mais, un para homes e outra para mulleres, nos que algunhas persoas usuarias de cadeira tamén nos cambiamos xa que as portas e espazos son amplos. 

Conta con taquillas para as que precisas levar unha moeda de 1 euro.  

vestuarios O terreo das termas ten pavimento de pedra, que permite unha boa mobilidade.  

As duchas exteriores, obrigatorias antes de entrar a terma, carecen de asento. Polo que se non tes a posibilidade de que te axuden, mollarás a cadeira de rodas. 

 Existen 4 termas de auga quente, e unha de auga fría.  

Todas teñen chanzos de entrada e unha varanda. Polo que no noso grupo, varias persoas precisaron axuda para baixar e subir. 

Comentáronnos que van instalar unha grúa, pero non sabemos cando. Xa levamos un par de anos preguntando por ela e sempre temos a mesma reposta: falta unha peza. 

 termasO interior da terma e de pedra, con bancos ao redor, a súa altura é moderada como en calquera terma e resultan bastante cómodas. 

Tamén conta con chorro de auga a presión. 

Conta con baños na zona exterior. Aínda que son amplos, coas portas anchas, ningún está adaptado. 

baños exterioresO prezo das termas é de 4 € por persoa, se eres un grupo podes falar con eles para que te fagan un desconto.  

Os residentes da eurocidade Salvaterra- Monçao, teñen unha tarifa reducida de 2 €. e tamén existen bonos de 10 baños por 30€. 

O tempo máximo a estar na instalación, segundo indican nas súas normas son dúas horas e non se permite a entrada a menores de 10 anos. 

Deixámosvos os horarios tamén, pero podedes consultar a información detallada na páxina do concello: Espazo  termal 



Colaboradores